Esaterako, eguerdiz 1,5 orduko ikastaroak izango dira bazkalordua baliatu nahi dutenentzat, goizeko 8etatik gaueko 10etara dagoen ordutegi aukera osatuz. Ikasteko denbora gehiago dutenek, berriz, egunero 3, 4 edo 5 orduko ikastaro trinkoak egin ahal izango dituzte, eta are denbora gehiago dutenentzat barnetegiak ere antolatuko ditugu urrian, azaroan eta abenduan Bakaikuko etxe eraberrituan zein Bilbon, euskal giroan murgildurik eta lagun artean euskara arin ikasteko. Aitzitik, euskaltegira etortzeko denborarik edo aukerarik ez dutenek, Internet bidezko autoikaskuntza aukera izango dute eskura.

Astean zehar, eta larunbat goizetan ere, bestelako ikastaro zehatzagoak egiteko aukera izango da: hizkuntza eskakizunak, gazteentzako ikastaroak, 4. maila, bizkaiera, mintzamena, sakontzen... Eskola orduez gain, euskara lantegiek ere aukera emango digute mintzatzeko, lan edo jardueraren bat ikasten dugun bitartean. Jakina denez, Gabriel Aresti euskaltegian matrikulatzen direnek euskara azkar eta konturatu gabe ikasteko hainbat jarduera osagarritan esku hartzeko aukera izango dute: euskara lantegiak, txangoak, hitzaldiak, musika eta antzerki emanaldiak... Zenbat Garak euskaraz bizitzeko eskaintzen duen aukera mordoaz gain.

_{-- Delivered by Feed43 service}

Aurten bi albiste nagusi izango ditugu Algararen inguruan, bata ona, bestea ez hain ona. Alde batetik, aurten Bilboko Konpartsak ordezkatzen dituen txupinera ALGARAko Isabel Isazelaia izango da. Ohore handia da guretzat eta badakigu ederto erantzungo diola Isabelek erronkari. Bestetik, txosna ondoan bertoko rock taldeen erakustaldiko eszenatokia ipini digutenez, aurten ezinezkoa izango zaigu urtero antolatu ohi dugun kontzertuen egitaraua eskaintzea. ALGARAk urtero egiten duen kultura ekarpen eta ahalegin garrantzitsu hau bertan behera utzi behar izan dugu, derrigortuta.

Hala ere, Zenbat Garak kultura eta musika eskaintzari uko egin nahi ez dionez, Kafe Antzokian hainbat kontzertu eta bestelako emanaldi antolatuko dira Aste Nagusian: bertoko eta kanpoko artisten kontzertuak, bertso saioak, pailazoak, dantza saioak...

Badakizu, Aste Nagusia giro euskaldunean bizi nahi izanez gero, ALGARAn duzu ezinbesteko hitzordua.

_{-- Delivered by Feed43 service}

Etxahun Lekue larrabetzuarra eta Xabi Paia getxoztarra izango ditugu mahaikide eta bertsolari. Afarirako txartelak 25 euroan eros daitezke, Erreka jatetxean bertan eros daitezke (Eresgile usandizaga 13, Mungia) edo Zenbat Gara elkartearen bulegoetan (Done Bikendi 2, 4. solairua).

_{-- Delivered by Feed43 service}

Gabriel Aresti Euskaltegiak oso eskaintza zabala luzatzen dizue udan euskara ikasten jarraitu nahi duzuenoi: barnetegiak Bilbon zein Bakaikuko baserrian egongo dira uda osoan; ikastaro trinkoak ere izango dira Bilbon, egunean hiru edo bost ordukoak, goizez zein arratsaldez, heldu zein gazteentzat. Euskara lantegiak ere antolatuko dira Bilbon, jarduerak ikasiz euskaraz aritzeko eta, eskoletara joan ezin duenarentzat autoikaskuntza aukerak egongo dira. Eskaintza zabala, inondik inora, hobekien egokitzen zaizun aukera hautatu ahal izateko. Udako eskaintza inprimatzeko sakatu hemen (PDF).

_{-- Delivered by Feed43 service}

Aste Santurako eta Pazko Asterako barnetegiak prestatu ditu Gabriel Aresti euskaltegiak. Bakaikun (Nafarroa), Sakana eskualdeko inguru ederrean eta baserri eraberrituan. Bilbon ere, loa etxean baina gainerakoan barnetegi baten eskolak eta jarduerak dituen ikastaroa antolatu du euskaltegiak. Familientzako egonaldiak ere izango dira Bakaikun, Aste Santuan zein Pazko Astean. Informazio gehiago euskaltegiaren webgunean.

_{-- Delivered by Feed43 service}